Mundarroko neska jubenilek ezin hobeto hasi dute denboraldia bitik bi garaipenekin

Kirol gehienetako ligak mar­txan dira jadanik eta eskubaloian berri onak iritsi dira Asti­garraga aldetik. Bertako nes­ka jubenilen taldeak ezin hobeto hasi baitu denboraldia. Lehe­nengo jardunaldian 17-27 ira­bazi zuen Errenterian, Erein­tzaren kontra, eta asteburu ho­ne­tan 17-12 garaitu dituzte Ordi­ziako neskak, Astigarra­gako kiroldegian jokatzen zu­ten au­rreneko partiduan. 

Mundarro lehenengo postu­an kokatu da sailkapenean bi­tik bi garaipen lortuta Ei­bar­re­kin batera. Gipuzkoako Txapel­ketan bi taldetan daude banatuta ekipoak. Mundarro lehe­nen­go taldean dago eta bertan dago baita Hernani Telecom ere. Her­naniarrek asteburu honetan ez dute partidurik jokatu. Orain arte partidu bakarra jokatu dute, irailaren 22an hain zuzen, Ei­ba­rren aurka, eta 21-36 galdu zuten, Munda­rro­re­kin batera, lehenengo postuan da­goen taldearen kontra. 

Jubenil mutilek galdu, Egiaren aurka

Mutiletan Hernani Anexok Egi­aren aurka jokatu zuen eta eta 14-34 galdu zuten. Maila altuko taldea da Egia. Orain ar­te ez dute garaipenik lortu lehen­dabiziko bi jardunaldietan.  Ka­de­te mutilek, aldiz, denboraldiko lehenengo garaipena eskuratu zuten, Zarautzi 23-22 irabazi eta gero. Maila onean dabiltza eta denboraldi interesgarria egiteko prest daude. Laugarren kokatu dira sailkapenean.