Gipuzkoako Txapelketa jokatzen ari dira asteotan Hernani eta Astigarragako pelotariak.
Hernaniko gazteek, asteburuan sei partidu irabazi zituzten eta hiru galdu.
Asteburuko garaipenak
eta porrotak, Hernanin
Kadeteen lehenengo mailan Jara eta Etxarrik, Azpeitiko Ilunpe bikotea garaitu zuten. Kadeteen bigarren mailan ere, Garaiar eta Deskargak berriro garaipena lortu zuten, oraingo honetan, Oiartzungo Oiarpe bikotearen aurka.
Lehen mailako seniorrak, galdu egin zuten, eta finalerako paserik gabe gelditu dira.
Jubenilen lehenego mailan, porrota jaso zuten Apaolazak eta Lasak, Zestoak aurrea hartu baitzien. Eta ondorioz, finalera sailkatzeko aukera guztiak galdu dituzte Hernaniko gazteek. Bigarren mailako jubenilek aldiz, hirugarren aldiz garaitu zuten Lapke, Mujika eta Insausti IIak osatutako bikoteak.
Seniorren ohorezko mailan, Exposito eta Lizeagak, Soraluzeri irabazi eta lehenengo postuan jarraitzen dute.
Lehen mailako seniorrak aldiz, Bergararen aurka porrota jaso zuten, beraz Urkizu eta Labakak finalerako pasea galdu zuten. Datozen partiduetan dena eman beharko dute, mailaz jaitsi nahi ez badute.
Hirugarren mailako seniorretan, garaipena lortu zuten Salaberria eta Insaustik; Tolosari irabazi eta lehenengo postuan mantendu dira, sailkapenean.
Astigarragan, bietatik
Igande goizean izan zen partidua. Ekain eta Eñaut Lizeaga jubenilek, Lapkeren aurka egin zuten, eta ez edonolako partidua, 22 eta 7ko emaitzarekin, garaipena lortu zuten.
Kadeteek larunbat goizean izan zuten partidua, Añorgan, eta porrotarekin itzuli ziren etxera.