Larunbatean Hernaniko Ohorezko mailako gazteek jokatu zuten, eta gainontzeko partiduak ostiralean eta igandean izan ziren. Ostiralean, Mundarroko Preferenteak jokatu zuen, eta igandean Hernaniko preferenteak. Eta Nesken Euskal Ligako partidua ere, igandean izan zen.
Ohorezko mailakoek, Mutrikun jokatu zuten, arratsaldeko 18:00etan. 3 eta 3ko enpatearekin itzuli ziren etxera hernaniar gazteak.
Hernaniko preferenteek, Hondarribi garaitu zuten, 3 eta 2ko emaitzarekin. Partidua etxean izan zen, eta gustura jokatu zuten Hernaniko gazteek.
Asteburuan, hiru partidu berdindu eta bat irabazi dira.
Hernaniko neskek ez zuten golik lortu. Hala ere, defentsan ederki aritu ziren. Hori dela eta, Elorriok ere, ez zuen golik lortu. Beraz, igandean jokatu zuten partidua 0 eta 0ko emaitza gazi-gozoarekin amaitu zen.
Mundarroko preferenteak, enpatea
Astigarragako preferenteak Ligako 3. jardunaldia ostiralean jokatu zuen, Urnietaren aurka. Partidua hasi bezain laster, astigartarrak zian ziren partiduaren jaun eta jabe. Iñurrik, area ertzean jaurtitzeko aukera izan zuen, eta lehenengo gola Mundarrok lortu zuen. Hala ere, partiduko lehenengo zatiaren azken minutuetan, urnietarrek gola sartu eta enpatearekin amaitu zuten lehenengo zatia.
Bigarren zatian Mundarrok, gola sartzeko presa zuen, eta ondorioz, ez zuten lortu partidua beraien kontrolpean egotea.