Atzo Lizeaga auzoko txikienek hartu zuten festen lekukoa, eta goizetik eguerdira beraiek izan ziren protagonistak, jokoekin, buru haundiekin...
Gaur ordea, helduak izango dira nagusi, goizean, 10:30ak aldera, adinekoei omenaldia egingo zaie, Sandiusterrin. Jarraian, tortilla lehiaketan parte hartzeko, tortillak emateko azken momentua izango da. Eguerdi partean, sagardo dastaketarekin batera, trikitilariek Lizeaga auzoa dantzan jarriko dute. Toka eta Bote Txapelketak ez dira faltako, 12:30ak aldera antolatu dira.
Festak giro ezin hobean amaitzeko, arratsaldeko 16:00etan Mus Txapelketa antolatu da Lizeaga tabernan eta 20:00etan, jaiei bukaera eder bat emango zaie.