Denontzat Kirol Elkarteko Ismael Mateo, Lucio Roman eta Izaskun Cantabella Estatu Batuetako Tahoe lakuan dira jadanik bihar jokatuko den Spartan Race oztopo lasterketako Munduko Txapelketan parte hartzeko. Oso euskaldun gutxik hartu dute parte lasterketa honetan eta aurten lorturiko emaitza onak animatu dituzte. Gainera, Izaskun Cantabella Munduko Txapelketan aritzen den aurreneko emakume gipuzkoarra izango da. «Entrenamendu fisiko eta mentala lantzen hilabete asko pasa ditugu, probak prestatzen kontzentratuta aritzeko», dio Izaskun Cantabellak. Udara osoa pasa dute lanean Munduko Txapelketa honetara iristeko, baina lortu dute.
Lucio Roman ere ados dago Mateorekin. «Munduko Txapelketa da urte gogor eta bizi bati bukaera borobila jartzeko modua. Merezi du, behinik behin, leku ikusgarriak ezagutzeko, eta maila ezin hobea daukaten korrikalariekin aritzeko aukera izateko».