Txapelketan debuta gaur, neska jubenilek

Aste honetan ekin diote Gipuz­­koako Txapelketari, Hernaniko neska palistek. Na­gu­sien mailakoek atzo iluntzean jokatu zuten estreinakoa, Hernanin;  eta gaur daukate zita, jubenil mailako bi bikoteek.

Arratsaldeko 15:00etan ha­si­ta, kiroldegiko frontoian jo­ka­tuko dituzte partiduak. Ane Kerejeta eta Enara Ma­cicior ariko dira aurrena, Intxurreko lehenengo taldearen kontra; eta Alaitz Barrenetxeak eta Maddi Iriondok ondoren, Zumaiako bi­kotearen kontra.

Jubeniletan ariko dira Irati Miner, Maider Zugasti eta Naia Barrenetxea ere, hirugarren tal­de bat osatuz; baina atsedena daukate asteburu honetan.

Nagusietan, berriz, lehenen­go mailako txapelketa hasi zu­ten atzo Ariane Arrietak, Mai­der Huizik eta Amaia Irazus­ta­barrenak; eta elkarren kontra hasi zuten txapelketa, bigarren mailako bi bikote hernaniarrek: Eli Gutie­rrezek eta Eider Otae­gik, eta Ekhi­ne Balerdik eta Ga­razi Urdan­ga­rinek.

Urdangarin eta Zubiarrain astigartarrak, Errenterian

Mutilen artean, berriz, Astiga­rragako nagusiek soilik joka­tu­­ko dute asteburuan. Gaur ari­­ko dira Ganix Urdangarin eta Be­ñat Zubiarrain, Epleren aurreneko taldearen kontra; Erren­teriako Agustina Otaola frontoian, goizeko 10:00etan.