Bihar egingo dute, Zikuñako Ama taldeko zikloturistek, denboraldiko 27garren irteera. Ez dute ibilbide luzeena izango biharkoa, baina ezta errazena ere. Eskasera joango dira, Artikutzako atarira, eta 46 kilometroko ibilbidea osatuko dute, guztira. Baina bertara iristeko, Bianditzeko igoera luzea egin beharko dute, aurrena: Oiartzungo Altzibar auzotik hasita, ia 12 kilometro dira.
Aurrekoetan bezala, goizeko 08:30etan elkartuko dira, Zinkoenean. Baina azkeneko irteera izango da, ordutegi horrekin. Datorren astetik aurrera, ordu erdi beranduago abiatuko dira, goizeko 09:00etan.