[BABESTUTAKO EDUKIA] Klima aldaketari aurre, formula zaharrak berri eginez

Herri mugimendua sortu da klima aldaketari aurre egiteko, Greta Thunberg ikasle suediarraren Friday For Future deialdiarekin bat eginez. Mundu osora zabaldu da, eta greba eguna izan zen atzokoa, hainbat txokotan. Urumea bailarako hainbat herritarrek Donos­tian egin zuten bat deialdiarekin.

Herritarrez gain, politikariak ere hasi dira mugitzen. Astearteko Plenoetan, bai Her­nanin, eta baita Astigarragan ere, hainbat mozio eztabaidatu eta hainbat neurri adostu zi­tuzten, klima larrialdia deitutakoari aurre egiteko. Neurri horien artean, «tokian tokiko ekonomia sustatzea», «elikadura burujabetza» edota «basogintza, nekazaritza eta abel­tzaintza ekologikoa» bezalako filosofiak bultzatzea nabarmendu zituzten, besteak beste.

Zaharrak berri, beraz. Izan ere, garai batean halaxe egiten zen Euskal Herriko hainbat etxetan, guztia: bertako produktuak, garaian garaikoak eta tokian tokikoak erabili; artisau eran produktu berriak sortu; eta guztiarekin, naturaren erritmo eta baliabide naturalak aprobetxatu, eta hondakin gutxiago sortu. Eta filosofia horrekin bat egiten dute Uru­mea bailarako hainbat elikadura enpresak ere.

Artisaua, KM0 eta ekologikoa

Izan klima aldaketari aurre egiteko, edo planetaren eta naturaren erritmo naturala errespetatu eta denen ongizatea bermatzeko, edota osasuna zaintzeko, asko dira elikadura mota jakin baten alde lanean ari diren enpresak.

Horietako bat da, esaterako, Leizuri izozkiak. Izozki artisa­uak egiten dituzte, eta naturalak, garaian garaiko eta tokian to­kiko, hau da, KM0ko produk­tu­­ekin; konserbagarri, kolora­tzai­le eta aroma artifizialik gabe.

Berdin aritzen da On Ein kon­tserbak ere. 2015ean sortu eta 2016an lortu zuen ENEEKen agiri ekologikoa. Bertan ekoizten ditu mermelada, barazkiak eta sagar-produktuak, tokiko lehengaiekin.

Basque­land Brewing, be­rriz, garagardoa egiten da aditua. Era artisauan egiten ditu hainbat mota eta zaporekoak. Sekretua­ren par­te omen, Añarbeko ura!

Eta era horretako elikagaiak erabiltzearen aldeko apus­tu garbia egin du Diame­tro200 jatetxeak. Bertakoa, to­ki­an tokikoa erabilita, sukaldaritza tradizionala eginez, paneta ere lehengora itzultzeko ahaleginean.