Jadanik hasiak daude Gabriel Zelaia eraikinean egongo den Emakumeen Etxearen obrak, eta bost hilabetetan bukatzea aurreikusten dute. Behin lana amaitzean, eraikinaren barrualdea hornitu eta antolatuko da. Dena zuzen badoa, datorren ikasturterako zerbitzu guztiak bertatik eskaintzea espero dute.
Eraikinaren birgaitze proiektuak zenbait berezitasun ditu, energia eraginkortasunaren inguruan ezartzen diren irizpideak bete behar dituen erainika izan behar baitu; «ia ezer kontsumitzen ez duen eraikina» izan behar du.
Emakumeen Etxeak, emakumearen inguruan Udalak eskaintzen dituen zerbitzuak eta herrian feminismoarekin eta kultur aniztasunarekin loturtako mugimenduak hartuko ditu bere baitan.
Kanpoaldeko gunea ere bai
Bi solairuko eraikina izango da, eta gainera, kanpoaldeko espazioa ere egokituko da, egungo Gabriel Zelaia tokiko garapena eta enplegu gunearekin lotzeko asmotan.
Beraz, obrak martxan dira eta lanak bukatuta daudenean, ikasturte berrirako nahi adina zerbitzu eskainiko dira, Gabriel Zelaian dagoen Emakumeen Etxean.