Gaur hasiko dira Lizeagako festak, eta igandean amaituko dira, gaueko 20:00etan. Gaur arratsaldeko 17:30etan txupinazoarekin hasiera eman ostean, haurren xake txapelketa egingo da. Jarraian, gazteentzako aurpegi margoketa eta puzgarriak egongo dira eta amaitzean, marrazki lehiaketarako materiala banatuko da. Lehiaketa gaia, ?auzoa? da.
Gaueko 22:00etan tute- txapelketa antolatu da Aitan-Etxe tabernan eta gaurko egunari amaiera emateko, 23:30etan poker txapelketa egingo da, Pacheco tabernan.
Bihar jarraipena, festak
Bihar, eguna etxeko txikiek hasiko dute, jolasekin.
Eguerdian, Herri bazkaria 14:30etan izango da, eta gauean ere afari ederraz gozatzeko aukera izango dute, auzotarrek. Igandean ere, ekintza gehiago izango da.
GAUR, irailak 27
17:30 Txupinazoa. Haurren xake-txapelketa.
18:00 Aurpegi-margoketa eta puzgarriak.
19:00 Marrazki-lehiaketarako materialaren banaketa (gaia: auzoa).
22:00 Tute-txapelketa Aitan-Etxen.
23:30 Poker-txapelketa Pachecon.
BIHAR, irailak 28
10:00 Umeentzako jolasak.
11:30 Marrazkien bilketa lehiaketarako eta umeentzako hamaiketakoa.
12:00 Buruhandiak eta Gautxori txaranga.
14:30 Herri-bazkaria.
16:00 Barrakak umeentzat dohainik arratsaldeko bostak arte.
17:30 Bingoa.
19:00 Musika karroza.
21:00 Kuadrillen afaria.
22:30 Musika Djen eskutik.
ETZI, irailak 29
10:30 Omenaldia adinekoei Sandiusterrin.
11:30 Tortillak emateko ordu-muga lehiaketan parte hartzeko.
12:30 Sagardo-dastaketa eta trikitixa, eta toka eta bote txapelketak.
16:00 Mus-txapelketa Lizeaga tabernan.
20:00 Jaien bukaera