ARGAZKIAK ateratzeko zaletasuna duen, edornork har dezake parte, igandean ospatuko den Foto Forum ekitaldian. Hernaniko argazki digitalen XVIII. Rallya izango da.
Izen ematea, egunean bertan
Parte hartu nahi dutenek, egunean bertan eman beharko dute izena, goizeko 09:00etatik 10:00etara bitartean, Hernaniko udaletxeko arkupe txikian. Izena ematen dutenek, kontrolerako argazki bat eta autorretratu bat egin beharko dute.
Lehiaketan parte hartzeko prezioa 10 eurokoa da, eta 14 urte baino gutxiagokoentzat doakoa izango da.
Gaia eta baldintzak
Gaien berri rallyaren hasieran emango da, eta 09:00etatik 14:00ak arte iraungo du lehikaetak.
Argazkiak emailez bidaliko dira urriaren 2a baino lehen, helbide elektroniko honetara: hernani.rally@gmail.com.
Irabazleentzat, sariak
Helduen mailan, lau sari emango dira: bilduma onenari, 190 euro eta trofeoa; bigarrenari, 150 euro eta trofeoa; hernaniar batek egindako bilduma onenari, 125 euro eta trofeoa; eta azkenik, Rallyko argazki onenari, 125 euro eta trofeoa. Haurrei beste sari batzuk emango zaizkie; argazki kamera digitalak.