Gipuzkoako Bertsolari Txapelketako hurrengo final-zortzirenak Zumarraga-Urretxun eta Elgoibarren izango dira, eta Bertso Eskolan ibilitako lau bertsolari izango dira bertan.
Larunbatean arratsaldeko 17:00etan hasita, Zumarraga-Urretxuko Zelai Arizti Aretoan arituko dira Eli Pagola Apezetxea eta Iker Ormazabal Ojeda.
Igandean ordu berean, Elgoibarko Herri Antzokiko oholtza gainera igoko dira Eñaut Martikorena Lizaso eta Unai Gaztelumendi Arandia.
Bi saioetako irabazleak zuzenean sailkatuko dira final-laurdenetara eta gainontzeko bertsolariek puntuazioaren arabera izango dute sailkapen horretan egoteko aukera.