Hernaniko pelotariek irabazi dute denboraldiko berriko lehenengo txapela. Markel Lizeaga Dendari elkartearen txapelketako txapeldun geratu da Gipuzkoa ordezkatuz. Galdakaon jokatu zen txapelketa lehenengo aldiz eta bertan Gipuzkoa, Nafarroa, Araba eta Bizkaia lehiatu ziren. Hernaniarrak binaka jokatu zuen Tartaloetxeko Azketarekin batera. Selekzio kide izan zituzten Julen Alberdi (Gazteleku) eta Ioritz Egiguren (Zazpi Iturri).
Finalerdian Nafarroako Iriarte-Arbizu garaitu zituzten 22 eta 4 eta gero finalean bizkaitarrak zituzten aurkari. Azketa eta Lizeaga nagusi izan ziren partidu erabakiorrenean eta 22-7ko emaitzarekin txapelak Gipuzkoara ekarri zituzten.
Zortzitik zortzi garaipen
CD. Hernaniko bikoteek hamaika garaipen eta porrot bakarra izan dituzte asteburuan. Gipuzkoako Txapelketan zortzi partidu jokatu eta zortziak irabazi ziren. Garaipenetan azpimarragarriak izan ziren kadete bigarren mailan Deskarga-Alegriak, jubenil bigarren mailan Mujika eta Insausti II.ak eta hirugarren mailako seniorrek Altuna eta Zugastik lortu zituztenak. Hiru bikoteek galdu gabe jarraitzen dute.
Kadeteetan Arluziaga-Etxarrik eta Arabaolaza-Manterolak garaipen erosoak lortu zituzten Gazteleku eta Gure Txeruren kontra. Jubeniletan Apaolaza eta Lasak ere irabazi egin zuten lan gehiagorekin, 22-16 eta nagusietan; Salaberria-Insaustik eta Arrieta-Labakak, Gazteleku eta Behar Zana menderatu zituzten 22-12 eta 22-8.
Txapelketa pribatuetan lau partidu jokatu ziren; aurretik aipatutako Galdakaokoa, Gartzaron eta bi Lizarran. Azken honetan Jon Jarak 18-3 irabazi zuen Bortziriakeko pelotariaren aurka eta Manex Martinek ezin izan zuen gainditu Txarutakoa. Gartzaron Xabier Salaberriak 22-7 gainditu zuen Oiarpeko ordezkaria.
Mundarroko peloriek denak irabazi
Mundarrontzako pasa den astea bikaina izan da. Kadeteetan Aner Urdangarin eta Asier Saralegik 22-7 garaitu zituzten Intzako pelotari lasartearrak. Nagusietan Harri Loidi eta Jokin Santxezek 22-14 irabazi zuten Inxurreren kontra eta jubeniletan Lizeaga anaiek 22-7 nagusitu ziren Aretxabaletaren kontra.
Bi anaiak elkarren aurka aritu ziren San Migueleko Torneoan, Oñatin, eta Naldaiz eta Eñaut Lizeaga finalera sailkatu dira Ekain Lizeaga eta Telleria 22-17 gaindituta.