Donostia Kayak izan da aurten Euskadiko Kayak Polo txapelketako txapeldun. Azkenengo zortzi urtetan Astigarragako igerilekuan antolatzen da Euskadiko Txapelketa eta aurtengo edizioan hiru taldek hartu zuten parte bertan, larunbata goizean; Atlético San Sebastián, Pasaia Kayak 2005 K.K eta Donostia Kayak K.E..
Azken bi talde hauek jokatu zuten finala eta bertan donostiarrak nagusitu ziren 2-7.
Aurretik ligaxka antolatu zen eta lehenengo partiduan Pasaiak 1-9 irabazi zion Atléticori. Bigarren partiduan gero finalistak izan zirenak aritu ziren elkarren aurka eta Donostiak 0-4 gainditu zuen Pasaia. Ligaxka ixten zuen partiduan Donostiak 8-2 lortu zuen garaipena eta finalera sailaktu zen Pasaiaren kontra. Finalean berriz ere nagusitu ziren donostiarrak urrezko dominak irabaziz. Azkenengo urteetan klubak eta taldeak gutxitu egin dira eta jendea animatu nahi da espezialitate ikusgarri honetan parte hartzera.
Bost jokalari taldeko
2012az geroztik, Astigarragako Udalaren laguntzari esker eta instalakuntzen ezaugarri eta egoera onari esker, txapelketa antolatzeko aukera egon da.
Zazpi minututako bi denborek osatuko dute partidua. Kayak poloan, bost jokalariz osaturiko bi taldek parte hartzen dute. Helburua, besteen zelaian, bi metroko altueran kokaturik dagoen atean baloia sartzea da. Arau bereziz osatutako jokoa da, oso joko erakargarri eta bizkorra. Baloia duen jokalaria irauli dezake aurkariak, baina atezaina ezin da ikutu.