ARGAZKIAK - Santio Igoera 2019
Giro ederrean jokatu zuten, larunbat arratsaldean, Santio Igoeraren bigarren edizioa ere. Haur zein heldu, txirrindulari asko ibili ziren, herrian barrena ziztu-bizian eta aldapa gora halamoduz.
Ez baita nolanahikoa, Santiomendiko ermitara doan igoera. Haurren txanda izan zen aurrena, eta haiek helmuga Ipintza sagardotegian izanda ere, ez ziren libratu kiroldegiko aldapa gogorraz.
Eta ondoren, helduek bai, Santiomendiko ermitaraino igo behar izan zuten. 28 txirrindularik hartu zuten parte, eta dozenaka ese egin zituzten, aldapa gogorrenetan oker-oker eginda, helmugara iristeko.
Mutiletan, Gonzalo Fuentes izan zen azkarrena, 10:20 denborarekin, Iñigo Alzola (10:32) eta Kandi Fervenzaren (10:49) aurretik. Eta nesketan, eskutik iritsi ziren Nahia Alzola eta Josune Peñagarikano, 15:11 denborarekin. Haiek biek, Haimar Zubeldia txirrindulari profesional ohiarekin egin zuten igoera.
Arriagak eta Blancok, garaipen haundia Lisboan
Santio Igoeran egon ez zirenak, Mikel Arriaga eta Jon Blanco astigartarrak izan ziren. Izan ere, erronka haundia zeukaten asteburuan: Madrid-Lisboa Non Stop proba, mendiko bizikletarekin; 770 kilometro erreleboka, gelditu gabe. Eta sekulakoa egin dute: garaipena lortu dute astigartarrek, bi txirrindulariko taldeen artean. 36 ordu baino gutxiago behar izan zuten.
SANTIO IGOERAKO SAILKAPENA
1 Gonzalo Fuentes 10:20
2 Iñigo Alzola 10:32
3 Kandi Fervenza 10:49
4 Joseba Etxebeste 10:51
5 Ibai Alba 11:05
6 Imanol Gonzalez 11:44
7 Aitzol Arrospide 11:50
8 Eneko Gonzalez 11:57
9 Ibon Iriondo 12:47
10 Eneko Insausti 13:22
11 Iñaki Ortega 13:31
12 Iker Betelu 13:38
13 Gotzon Roka 13:42
14 Aimar Aiarza 14:08
15 Beñat Blazkez 14:16
16 Mikel Artola 14:35
17 Asier Garitaonaindia 14:57
18 Nahia Alzola 15:11
19 Josune Peñagarikano 15:11
20 Haimar Zubeldia 15:12
21 Julen Blanco 15:28
22 Jose Luis Zabala 16:07
23 Igor Rivero 16:22
24 David Martin 16:32
25 Beñat Zaldua 17:03
26 Josi San Jose 17:05
27 Martin De La Fuente 17:14
28 Mariano Santos 18:07