Hitzaren inguruko jaialdia egingo du Udalak hirugarrenez: Hitz Andana. Ostegunean hasiko da, eta urriaren 5era arte luzatuko da. Tarte horretan zehar sei jarduerekin gozatu ahal izango dute hernaniarrek.
Txirritaren bueltan, bertsotan
Bertsoaren harria. Txirrita hitzaldi eta bertso-saioarekin emango zaio hasiera jaialdiari ostegunean. Iluntzeko 20:00etan izango da, Biterin.
Jarduera honetarako, baita beste batzuetarako ere (ikusi beheko taula) gonbidapena eskuratu beharko da. Horretarako, liburutegira jo beharko da.
Azkeneko eguneko jarduerarako, kale-irakurraldirako, aldiz, izena eman beharko da. Liburutegian egiteaz gain, Lurreko dendan ere egin ahal izango da.
EGITARAUA
- Irailak 26. Bertsoaren harria. Txirrita. Hitzaldia eta bertso saioa. Egilea: Koldo Izagirre. Bertsolariak: Maialen Lujanbio eta Alaia Martin. 20:00etan, Biteri kultur etxean (16 urtetik gorakoentzat). Gonbidapena behar da.
- Urriak 2. Manez eta kobreak. Kalejira. Narratzailea: Ainara Ortega. 19:00etan, irteera Biteritik (denontzat)
- Urriak 3.
*Ipuin kontaketa. Kontalaria: Maite Arrese. 17:30etan, Biterin (3-6 urte bitartekoentzat). Gonbidapena behar da.
*Martuteneko kartzelan. Irakurraldi dramatizatua. Egilea eta irakurlea: Bernardo Atxaga. Antzezlea: Jose Kruz Gurrutxaga. 20:00etan, Biterin (16 urtetik gorakoentzat). Gonbidapena behar da.
- Urriak 4. Amor oscuro. Sonetos antzerkia. Viridiana Centro de Producción Teatral. 20:00etan, Milagrosan (16 urtetik gorakoentzat). Gonbidapena behar da.
- Urriak 5. Fabrika kale-irakurraldia. Prosa eta poesiaren irakurketa. Kale-literatura taldea. 16:30etan, Biteritik abiatuta (denontzat).