50 urte bete berri dira Arantzazun euskara batuari bultzada emango zion Batzarra egin zela, eta, baita ere, Oteizaren apostoluak kokatu eta Santutegi berrituari hasiera eman zitzaiola. Bi ideia horiek ardatz hartuta, Arantzazu, harriz herri dokumentala ekoitzi dute Nabarraldek eta Hernani Errotzenek, hainbat laguntzailerekin, eta ostegunean estreinatuko da, 19:30etan Orona Ideon.
Ekitaldia irekia da, baina sarrera aretoaren edukierara mugatua izango da. Dokumentala ikusi ondoren, 20:00etan mahai-ingurua izango da, Angel Rekalde, Nabarraldeko zuzendaria, Juan Ignacio Larrea, Arantzazuko santutegiko zaindaria, eta Elena Martín, Jorge Oteiza Fundazio Museoko kontserbatzailearekin.
Euskal Herriko memoria
Nabarraldek azpimarratu duenez, «euskaldun guztiontzat eredu behar luke han egin zenak», eta horixe nabar?mendu nahi izan du dokumentalarekin.
«Arantzazu Euskal Herriko memoria leku garrantzitsua» izan dela erakutsi, eta «erreferentziazko leku bilakatu zen garaia» gogora ekarri dute; «artea eta euskera, kultura oro har, euskaldunen babesleku bilakatu zireneko garaia».