hernani errugbi klubak atzo egin zituen lau talderen aurkezpenak. Nagusiekin batera 23 urtez azpiko taldea, emakumeen taldea eta 16 urtez azpiko taldeek parte hartu zuten. Azken hauek Iparraldean jokatuko dute liga Atletico SS eta Hendaiarekin batera lortutako akordio bati esker.
Aurkezpenean, talde baikoitzeko 4-5 jokalarik parte hartu zuten eta amaitzeko, talde argazkia atera zen ekitaldian bertan parte hartu zuten guztiekin: entrenatzaile, talde tekniko eta lehendakariarekin batera, noski.
Garaipenaren bila gaur Landaren Cisnerosen kontra
Eta 24 ordu baino gutxiagora, denboraldi honetan Landaren jokatuko den lehenengo partidua izango du gaur, Ohorezko Mailako taldeak; arratsaldeko 17:00etatik aurrera, Complutense Cisnerosen aurka.
Madrildarra, azkeneko bi urteetan, Hernanin jokatu duen lehenengo taldea izan da, eta emaitzak ez dira onak izan hernaniarrentzat, nahiz eta bere mailako taldea izan, denboraldi amaiera iristean. Min haundia egin zuten porrotak jaso zituen Hernanik. Orain bi urte, 22-28 nagusitu ziren madrildarrak, eta pasa den urtean 6-22 irabazi zuten.
Aurten egoera horri buelta eman nahi diote, Patrick Polidorik zuzentzen dituen jokalariek. Gainera, garaipena beharrezkoa da, kontuan izanda aurten talde ia gehienak sendotu egin direla. Cisnerosek lehenengo partiduan ezustekoa eman, eta 18-17 garaitu zuen Alcobendas, pasa den urteko Kopako irabazlea eta Ligako hirugarren sailkatua.
Hala ere, hasiera batean Landaren jokatuko duen talderik ahulenetakoa da, eta horrek garrantzia berezia ematen dio denboraldi hasiera honi eta partiduari berari.