Goizuetako hiru ur-ihes konpondu ziren aurreko astean, eta oraingoz behintzat, Goizuetako Udalak adierazi du, ez dela errekako urik sartu, eta mozketarik egiteko beharrik ez dagoela.
Fugak, azkenaldian
Aurreko asteetatik datorren arazoa da, hilaren 10etik 12ra arteko gauetan, ura moztuko zela iragarri zen. Hala ere, dagoeneko konpondu dituzte, bi ur-ihes: ostegun arratsaldean Miel artzaiaren etxe pareko hoditerian aurkitutako fuga haundi bat; eta ostiralean, Santa Maria auzoan detektatutako beste txikiago bat.
Hori dela-eta, neurri hau bertan behera gelditu zen eta ostegun gauean Goizutarren etxeetan ez zen ur faltarik izan.
Oraingoz, ez da urik moztuko
Ur-ihes hauek konponduta, depositua nola bete den ikusi da; beraz, oraingoz behintzat, ez da gauez urik moztuko, ez baita errekako urik sartzen. Hala ere, datozen asteetan fuga gehiago konpontzen saiatu beharko direla adierazi du Goizuetako Udalak.