ATZO hasi ziren Karabeleko festak, arratsaldean txupinazioa bota eta segidan, buru handi txikiak egon ziren. Ozenki Abesbatzak ere kantuz girotu zuen Karabel eta eguna amaitzeko, erromeria ostean, festa ospatu zuten Kalabeleko auzotarrek.
Gaurko eguna indartsu dator, goizeko 100:00etatik gaueko 22:00etara bitartean, hainbat joko, txapelketa, mugikortasun ekintzak eta beste hainbat ekintza egingo baitira. Hala ere, gauean, jaiei amaiera emango zaie.
Goizeko 10:00etatik, gaueko 22:00 etara, nahi adina ekintza, haur, gazte eta helduentzat, Karabelen.
Egunarekin hasteko, 10:00etan, Dianak Karabeleko kaleak esnatuko ditu, eta amaitzean, 10:30ak inguruan, kirol apur bat egiteko, Ibilaldia egingo da patinetan. Jarraian, Buru Handiak hartuko dute lekukoa, eta amaitzean, beste mugikortasun jarduerari emango zaio hasiera, hala nola, Gynkanari (tirolinan). Horrez gain, txikientzako aurpegi margoketa eta haurrentzat jokoak ere egingo dira.
Hamaika ekintza, eguerdian
Eguerdiko 12:00etan, Sagardo dastaketa hasiko da, eta enbor mozketaren erakustaldia. Jarraian, tortila eta bizkotxo onenaren txapelketaz gozatzeko aukera paregabea dago. Lehenengo sarituak, Zubilade tabernako menuaz gozatzeko aukera izango du. Eta parte hartzen dutenen artean, 2 saski zozketatuko dira. Toka txapelketa ere egongo da, eta irabazleari, Trofeoa emango zaio.
12:30etan, mugikortasun jarduera bat eskainiko da, Patin erakustaldia hain zuzen, tirolinan egingo dena. Segidan, hamaiketakoa egingo da Mugikortasun ekintzetan parte hartu duten ororentzat.
Bazkalorduan, paella
Eguerdiko 14:00etan izango da bazkari herrikoia, paella haundiarekin. Bazkarian, ederki jan eta edan ostean, bingoan jokatzeko aukera egongo da, 15:30ak aldera.
Karabeleko auzotarrek, festetara etortzeko gonbitea luzatu nahi izan diete herritarrei.
Arratsaldean, etxeko txikien txanda
Atsedenaldi bat egin ondoren, etxeko txikien txanda da, tirolinaren parkean apar festa egingo baita. Amaitzean, Zumba erakustaldia egongo da, izardiak botatzeko aukera paregabea.
18:00etan, urtero moduan, Txokolatada ederra eskainiko da eta ordu berean, puzgarriak eta zezen mekanikoa izango dira protagonistak. Jarraian, haurrentzako jolasak antolatu dira, ordu bete irango dute hauek. Amaitzean, Arrautzen jokoarekin trebatzeko momentua, tirolinako parkean eta edonork hartu dezake parte.
Gauean, festak jarraitu
Gaueko 20:30ak aldera afari herrikoia antolatu dute Karabeleko auzotarrek, eta amaitu ostean, DJ Nemuxek girotuko du gaua, 21:00ak inguru.
Festen amaierarako hainbat ekintza egingo dira, eta lehena zezen suzkoa izango da. Amaitzean, su artifizilak eta trakak, nahikoa soinu aterako dute, jaiak amaitu direla jakinarazteko. Jarraian, festak jarraituko du, jaiak ezin hobe amaitzeko.
Paella jateko txartelak agortuta
Paella jateko txartelak agortuta daude jadanik. Hala ere, beste hainbat material erosteko aukera dago, hala nola, Zapiak 3 eurotara eta kamixetak 7 eurotara. Karabeleko auzotarrek, festetara etortzeko gonbitea luzatu nahi izan diete herritarrei.
KARABELEKO JAIAK
Gaur, larunbata
GOIZEAN
10:00, Diana
10:30, Mugikortasuna. Ibilaldia patinetan
11:00, Buru handiak
11:30, Mugikortasuna. Gynkana (tirolineko parkean). Aurpegi margoketa eta haurren jokoak
12:00, Sagardro dastaketa eta enbor mozketa erakustaldia
12:00, Tortilla eta bizkotxo onenaren txapelketa
12:00, Sari banaketak
1ºsaria: Zubialde tabernaren menua
2 saskiren zozketa, parte hartzaileen artean.
Toka txapelketako irabazleari, trofeoa.
12:30, Mugikortasuna. Patin erakustaldia. Tirolineko parkean.
13:00, Hamaiketakoa mugikortasun jardueretan parte hartu dutenentzat
14:00, Janari herrikoia ?paella haundi?
ARRATSALDEAN
15:30, Bingoa
17:00, Apar festa (tirolinako parkean)
17:30, Zumba erakustaldia
18:00, Txokolatada
18:00, Puzgarriak eta zezen mekanikoa
18:30, Haurren jokoak
19:30, Arrautzen jokoa
20:30, Afari herrikoia
GAUEAN
21:00, DJ Nemux, gaua girotzeko
22:00, Zezen suzkoa Karabeleko auzoan zehar
00:00, Su artifizialak eta traka, festei amaiera emateko
Ondoren, festa!