Euskal Jaien barruan, XXI. Trikitilari Gazteen Txapelketa antolatu zuen igandean ?Hernani? Musika Eskola Publikoak.?Denera, sei bikotek hartu zuten parte, eta txapela etxean geratu zen: Ianire Segurola, 14 urteko hernaniarra, eta Elaia Diaz, 15 urteko astigartarra izan ziren txapeldunak.
Bigarren izan ziren Azkoitia eta Azpeitiako Araitz Etxaniz eta Enaitz Alberdi, eta hirugarren, Zaldibia eta Bidaniako Eneko Urkola eta Nahia Dorronsoro. Parte-hartzaileen artean izan ziren baita ere Zestoako Intza eta Maria Illarramendi, Errezil eta Azpeitiako Julen Labaka eta Garazi Larrañaga, eta Hernaniko Eider Garro eta Araitz Elizalde.
Klaseak hasita, lekua
Bestalde, Musika Eskolako zuzendaritzak jakinarazi du ikasturtea hasi dutela.
500 matrikula inguru egin dira, baina badago tokia klarinetea, akordeoia, txistua eta saxoa ikasteko.
Pirritx, Porrotx eta Marimototsen ?Musua?
Irailaren 28an Pirritx, Porrotx eta Marimototsen Musua jaialdia antolatu dute. 18:00etan hasiko da Atsegindegin eta sarrerak Ikusi-Makusi (Kale nagusian) eta Kide kafetegian (Atsegindegi plazan) daude 7 euroan. Urtero eskaintzen dute emanaldia eta asteartean prentsaurrekoa antolatu da, aurkezpena egiteko.