Merkataritza txikia, biziberritzera bidean, herrien bizigarri izateko

Ez dira betiko garai onenak, merkataritza txikiarentzat; eta egoera zailari aurre egiteko bo­rrokan ari dira, Urumea baila­ran ere. Horren adibide da, atzo Hernanin eta Astigarragan os­patu zuten merkataritza txikia­ren aldeko festa, Beterri-Burun­tza eskualdeko gainerako uda­lerriekin bat eginez.

Herrien bizigarri direla era­kutsi nahi dute; komertziorik gabe, herriak hilda egongo lira­tekeela. Horretarako, esate­ra­ko, atera zituzten komertzioak kalera Hernanin, goiz eta arra­tsalde; begibistan jartzeko, zer nolako aukera zabala dagoen he­rrian, 110 komertziok baino gehiagok Kaxkoa hartuz. Eta ho­rretarako, bizi­ga­rri izateko, egin zituzten tai­ler eta jolasak, moda desfilea, kontzertuak, kale ikuskizuna...

Festa eguna izan zen atzo­koa, baina festari kezka mezu bat txertatu diote, komertzioek zein Udalek: herritarren auke­ra, herriko komertzioak izatea nahi eta behar dutela.

Biziberritzeko saiakerak, aurrera egiteko

«Egoera kezkagarrian» dau­de­la eta, biziberritzeko hainbat sa­ia­kera egin dituzte komertzio txikiek. Atzo egin zuten festa, joan den urtean ere egin zuten eskualde osoan; eta sentsibi­li­za­zio kanpaina berezi bat orain bi urte, Hernanin: «hiru egu­nez, komertzioetako erakusleihoak beltz-beltz izan genituen; eta hu­rrengo egunetan, berriz, ko­lo­rea, argia eta alaitasuna eman genien. Erakutsi nahi izan ge­nuen, zein desberdina den he­rri bat komertzioa duena, eta ez duena; bizirik dagoena, eta hilik dagoena», adierazi du Mertxe Jimenezek, Hernaniko Berriak merkatarien eta osta­la­rien elkarteko kideak.

Hernanin bertan, beste ate bat zabaldu dute orain. Udalak eskatuta, herriko merkatari­tza­ren diagnosia egin du Ikertal­dek, eta Merkataritza Biziberri­tzeko Plana osatu du.

Beste saiakera bat izango da, herritarren erosketa ohitu­rak aldatzeko, azkeneko urte­o­tan merkatal zentro haun­die­ta­ra eta internetera migratzen ari direnak, gero eta gehiago. Horretan daukate erronka na­gu­sia orain, hainbeste urte da­ramazkiten dendek. Atzo ber­tan, Hernaniko Telemar den­da­­ri egin zioten omenaldia, be­re 50garren urteurrenean. Joan den urtean Portalondo estan­koa omendu zuten bezela, 100 urte bete zituelako.

Atzokoa izan zen, aurrera egiteko beste pauso bat: «egun batekin ez dira aldatzen ohitu­rak; baina elkartu garela ikusi­ta, aurrera egingo dugu, no­la­ko herriak nahi ditugu gogoeta eginda», dio Xabier Urdanga­rin alkate astigartarrak.