Festa giroa jarriko dute gaur, beste behin, herriko 110 establezimenduk. Bat egin dute Berriak, Hernaniko Merkatarien, Ostalarien eta Zerbitzu Enpresen elkarteak antolatu duen herriko komertzioaren aldeko festa berezian.
Herri biziaren alde
Helburua argia da: erakustea zein den Hernanin dagoen eskaintza komertziala, eta kanpora joan beharrik ez dagoela. Herritarrak hausnarketa egitera bultzatu nahi dituzte, konturatu daitezen herri bat herri bizia izateko bertako merkatari eta ostalariek ematen duten babesa. Herriko beste elkarte eta eragilek antolatzen dituzten ekintzak ere laguntzen dituzte, askotan.
Hori dela eta, etorkizunean nolako herria nahi dugun pentsaraztea bultzatu nahi dute gaurko festarekin, eguneroko ekintzek etorkizun horretan eragina baitute. Komertzio txikia daukan herri bizia, edo komertziorik gabeko herri hila daude aukeran.
Egun osoko festa, gaur
Hori horrela dela erakusteko, festa giroa jarriko dute gaur 110 establezimendu inguruk; herriari bizi ematen diotela erakusteko, hain zuzen.
Horrela, egun osoan zehar dendak kalera aterako dira, herria koloreztatuko dute, moda desfilea izango da, eta musika, jolasak, tailerrak eta gehiago! Festa, seguru!
HERNANIKO MERKATARITZA ETA OSTALARITZAREN FESTA
Irailaren 20an,?
Nire aukera, HERNANI!
10:00-13:30, Komertzioak kalera!
13:30, Berriak egoitzaren inaugurazioa eta Telemar-en 50garren urteurrena.
16:30-20:00, Komertzioak kalera!
16:30-20:00, Merkatariek antolatutako tailer eta jolasak.
18:00, Moda desfilea Plaza Berrin.
18:15, Markus bakarlariaren kontzertua.
19:00, Kolpez Blai, perkusio kale ikuskizuna.