«Estatu terrorismoa salatzeko», bi hitzordu

Bi ekitaldi antolatu ditu Egiari Zor elkarteak, Estatu terro­ris­moa, 4 hamarkadaz inpuni­ta­tea lelopean. Aurre­ne­koa, gaur, 19:00e­tan hasita, Herio­tza­ren Triangelua dokumen­tala jarri­ko dute Biterin.

Bestetik, urriaren 5ean ekitaldia egingo da Tilosetan, 18:30etan, «40 urteko inpu­ni­ta­tea salatzeko», Egiari Zor el­kar­teko Tasio Arrizabalagaren esanetan. Besteak beste, Ane Muguruzak, 1989an erail zuten Josu Muguruza, Herri Ba­ta­suneko diputatuaren alabak hartuko du parte.

Zapa, Arbelaitz eta Elizondo, Hernanin erailak

Gaurko dokumentala Tira Bira produkzioak SLk argitaratu zu­en 2015ean, Jose Maria Sa­linas eta Imanol Laburu Lar­zabalek zuzenduta. Hain zu­zen, gaurkoan Laburu bera Biterin izango da, eta baita Ri­kardo Mendiola, Her­na­niko alkate ohia ere, doku­men­tala dagokion testuinguruan ko­katu eta gal­de­rak erantzuteko.

Heriotzaren Triangelua do­ku­mentalak erreferentzia egi­ten dio izen hori hartu zuen Andoain eta Astigarraga ar­te­ko guneari. Izan ere, Franko hil eta ondorengo urteetan, 80eko hamarkadan, zazpi per­tso­na erail zituzten hiru ur­te­ko epean: Felipe Sagarna Zapa, Migel Mari Arbelaitz eta Luis Mari Elizondo Hernanin; Jose Ramon Ansa eta Xabier Ansa An­doainen; Tomas Alba Asti­ga­rragan eta Joaquin An­ti­mas­­bere Urnietan.  Ladislao Za­bala eta Ignacio Iturbe Al­kain Piti, Batallón Vasco Es­pa­ñol eta Triple A (Alianza Apos­tó­lica Anticomunista) tal­dee­ta­ko kideek egin zituzten hilketok, Jesus Martinez To­rres Gi­puzkoako komisario je­ne­rala zen bitartean.

Egiari Zor-etik alda­rri­katu nahi dute «ardurak ez dituela inork bere gain hartu, eta badela garaia, egia osoa jakiteko».