Auzoz auzo festa giroa nagusitzen ari da Hernanin, astebururo. Datorrenean, Karabelgoen txanda izango da. Ostiralean 18:00etan botako da txupinazoa, eta larunbatean bukatuko dira jaiak.
Txupinazoa botata, haurren toka txapelketa, pintxoparrillada herrikoia eta berbena izango dira, ostiralean.
Larunbatean, 10:00etan dianarekin hasita, egun osoan izango dira buruhaundiak, sagardo dastaketa, tortilla eta bizkotxo txapelketa, paella jatea, bingoa, apar festa, zunba, txokolatada, haur jolasak...
Hain zuzen, paella jaterako eta bingorako txartelak auzo elkartean erosi behar dira aurretik, egunero, 19:00etatik 20:00etarako tartean; baita kamiseta eta zapiak ere.
Bestalde, festetako egitarauarekin egingo du bat Mugikortasun Asteak.