Irazustabarrena eta Erasunek berriz ere Galdos eta Huizi gainditu zituzten Urdulizen jokatutako partiduan, paleta larruz, 30-27. Abuztuan, Atanon, Aste Nagusiko Txapelketa irabazi zuten Irazustabarrena eta Erasunek eta oraingoan ere, errebantxan, hobeak izan ziren. Aurrelari hernaniarra oso eroso aritu zen partidu osoan zehar.
Maider Huizi eta Amaia Irazustabarrena hernaniarrek partidu ugari jokatu dituzte elkarren aurka.
Mutiletan ere hiru partidu jokatu dituzte bikote hernaniarrek. Pasa den ostegunean, Zarautzen, bigarren mailan Hernanik 25-16 galdu zuen. Talde hau Ahieko Zubimendi, Endika Ramos, Eneko Lujanbio eta Xabier Legarretak osatzen dute. Hurrengo egunean, kiroldegiko frontoian bi partiduak irabazi ziren hirugarren mailan 25-19. Alde Zaharra eta Altzatarra izan zituzten aurkari. Alain Agirre, Beñat Garmendia, Iker Zurutuza eta Mikel Manterolak jokatu zuten, horietan.