Bost bakarrizketa saiorekin osatutako ikuskizuna izango da ostiralean Galarretako Orona Ideo eraikinean, arratsaldeko 19:30etan. Fundación Síndrome de Dravet elkarteak antolatu du, hain zuzen, gaixotasun honen sendabidea bilatzeko dirua biltzeko.
Maribel Salas, Sol Magunagoikoetxea, Gemma Martinez, Iñigo Salinero eta Gorka Aginagalde ariko dira bakarrizketetan.
Umorea, ikuskizunaren oinarria
Monólogos por un sueño da ikuskizunaren izena, eta hain zuzen, bakarrizketetan ariko dira bost aktore: Sol Magunagoikoetxea, Maribel Salas, Gemma Martinez, Iñigo Salinero eta Gorka Aginagalde.
Ikuskizuna arratsaldeko 19:30etan hasiko da Orona Ideon, eta txartelak salgai daude, 15 euroan fundazioaren webgunean bertan, 'denda solidarioa' atalean: www.dravetfoundation.eu. Bildutako dirua gaixotasun honen aurkako sendabidea bilatzeko ikerketara bideratuko du fundazioak. Dravet sindromeak jaiotzetiko epilepsia eragiten du 16.000 jaiotzetatik batean. Sei hilabeterekin nabaritzen dira aurreneko sintomak, eta ohiko tratamenduek ez dute eraginik.