urrian hasiko dira Hernaniko kiroldegian ikasturte berriko ikastaroak eta parte hartzeko izena eman behar da. Epea bihar amaitzen da eta ikastaro horietan izena eman nahi dutenek kiroldegiko bulegora edo webgunera jo behar dute: kirola.hernani.eus.
Bulegoan ondorengo ordutegian egin ahal izango da izenematea: gaur eta bihar 08:00etatik 14:00etara bitarte. Webgunean edozein ordutan egin daiteke.
Etzi zozketa eta ostegunean zerrendak
Izen-emate epea bukatuta, etzi asteazkenean egingo dute zozketa, eskaintza baino izenemate kopuru gehiago izan diren ikastaroetan. Ondoren, ostegunean emango dute onartuen zerrenden berri; 12:00etan jarriko dituzte kiroldegian eta web-orrian.
Orduan libre geratzen diren plazetan izena emateko aukera irekiko dute. Irailaren 19, 20 eta 23an eman ahal izango da izena horietan, eta hilaren 24an egingo dute bigarren zozketa. Honen zerrendak egun berean jarriko dira, 12:00etan. Bigarren buelta honetan plazak libre geratuz gero, hurrenkerari jarraituz emango da izena.