hazilan laneratze-proiektua laugarrenez jarriko dute martxan Beterri-Buruntzaldeko Udalek. 2016-2021 aldian egongo da martxan eta 20-44 urte bitarteko gazte kualifikatu langabetuentzat dago zuzendua. Hazilanek metodologia berritzailea proposatzen du ibilbide pertsonalizatu batean oinarrituta, 20 eta 44 urteko eta goi mailako titulazioa duten pertsona horiek aktibatzea eta praktiken/proiektuen bidez lan merkatuan murgiltzea.
Orientazioa eta praktikak
Horretarako, bi fase garatzen dira. Lehenengoa; orientazioa jasotzen da. Zeharkako konpetentzia sozioprofesionalak eta ahalduntzea landuz, lan-munduan sartzeko prozesua erraztea du helburu. Bigarrena; praktiken bidez lanbide-trebakuntza hobetuko duen lanpostuari lotutako esperientzia eskuratzea. Honi euskarria emateko, ibilbide osoan zehar bakarkako akonpainamendua bermatzen da.
Informazioa lortzeko bideak
Programan parte hartu nahi dutenek www.hazilan.eus webgunean lor dezakete nahi duten informazio guztia. Baita Andoaingo udalean, 943 30 42 21 telefonoan, hazilan@andoain.eus eta Urigain etxea. La Salle etorbidea, 6. 20.140 Andoain, Gipuzkoa helbideetan. Izen emateko epea irailaren 20ean amaituko da.