Aurten ere, bosgarren urtez ospatuko da Euskal Herriko sagardo txapelketa herrikoia. Bertan lau finalaurreko egingo dira, eta final handia Ergobin ospatuko da.
Lau finalaurreko eta finala
Finalaurrekoak, atzo hasi ziren, Adunako frontoian egin zen aurrenekoa, 20:00etan. Gaur, beste finalaurreko bat egingo da, Lizartzako Txirrita Elkartean hain zuzen, eguerdiko 14:00etan. Beste bi finalaurrekoak, hurrengo astean egingo dira, ostiralean Orion, Aldapa Elkartean, arratsaldeko 20:00 etan. Eta azken finalaurrekoa, Zornotzan antolatu da, datorren larunbatean, arratsaldeko 20:00etan, Edurmendi Elkartean.
Final handia, Ergobin ospatuko da, hilaren 28an.
Azkeneko txartelak, salgai
Izena ematen duten Euskal Herriko Sagardotegietako sagardoak, afaltzera inguratzen diren guztien artean dastatu eta puntuatuko dira. Epaile izan nahi duten herritarrek afari txartelak hartu beharko dituzte aldez aurretik. Jakinarazi dutenez, gutxi geratzen dira, eta Gipuzkoako Sagardogileen Elkartean erosi daitezke: 943 33 68 11.