KE metodologia jarri dute martxan Mundarro kirol elkareko futbolariek. Futboleko entrenamenduetan euskera sustatzea da helburua. Beraien entrenamenduetan metodologia hau aurrera eramateko, formazio saioak egin dituzte.
Formazio saioa
KE metodologia ezartzen hasi behar duten entrenatzaileek, formazio saio bat egin dute, nondik norakoak jakiteko.
Taldearen behaketa
Saio honetan, entrenatzaileek behatzaile gisa egin beharko dute, hau da, entrenamenduak hasten diren lehenenengo astetan, haur zein gazteek entrenamenduetan zenbat egiten duten euskeraz aztertu beharko dute, euskeraren erabilera maiztasuna zein den jakiteko.
KE metodologia, euskeraren erabilera sustatzeko.
Helburuak zehaztea
Bi edo hiru astez, entrenatzaileak, dagokion taldea behatu ostean, abendura bitartean, helburu lorgarriak ezarriko ditu. Bai entrenatzaile eta haurren arteko harremanetarako, bai eta haurren arteko harremanetarako.
Estrategiak aukeratu
Ezarritako helburuak lortu ahal izateko, beste helburu batzuk jarri behar dira, hala nola, hizkuntzazko eta kokapeneko estrategiak aukeratu beharko ditu entrenatzaileak. KE metodologiako antolatzaileek adierazi dute, hezitzaile berritsua izatea oinarri dela, beste estrategiak landu ahal izateko.
Estrategiak landu
Jadanik, aukeratuta dauden estrategiak praktikan jartzeko
garaia da, hori dela eta, entrenamendu bakoitzaren araberako hizkuntza eta kokapen estrategia egokiak baliatu.
Neurketa taula bete
Entrenatzaileak, abenduan eta maiatzean, taldearen euskeraren erabilera neurketa taula bat bete beharko du, haurrek eta gazteek, euskeraz zenbat egiten duten ezagutzeko.
Azkenik, berriro ere behaketatik hasiko dira entrenatzaileak, urtarriletik aurrera, zerrendako lehenengo puntutik hasi, eta maiatzean, bigarren neurketa eginez, amaieran konparaketa egiteko.