Euskaltegietan matrikulatzeko epeak zabalik daude irailean zehar eta Hernanin bi aukera daude: AEK eta Udal euskaltegia.
Euskara agiria AEKn
Euskara agiria lortzeko asmoa dutenek Hernanialdeko AEKk eskaintza zabala jartzen du eskura. B2 (2. perfila) eta C1 (3. perfila) lantzen ditu Hernani, Astigarraga eta Urnietan eta C2 (4. perfila) Hernanin. Ikastaro horietan guztietan tutoretza pertsonalizatuak eskainiko dira. Kontaktuak ondorengoak dira: astigarraga@aek.eus edo 607 610 687, hernani@aek.eus edo 607 592 864 eta urnieta@aek.eus edo 662 338 747.
Udal euskaltegian aukera
Udal euskaltegiak zorionak eman nahi dizkie joan den ikasturtean A1, A2 eta B1 mailako titulua akreditatu eta B2 eta C1eko titulua lortu duten ikasle guztiei. Gainera, 2019-20 ikasturtean ere, iaz bezala, HABEren A1, A2 eta B1eko titulua euskaltegian bertan lortzeko aukera izango da.
Denontzako moduko aukerak daude: astean 2 eguneko modulua, 4 egunekoa (euskera azkarrago ikasi nahi duenarentzat) eta autoikaskuntza ere bai (on-line, astean behin euskaltegira etorrita). Ordutegia ere zabala da. Karobietan, anbulatorio zaharrean daude. Tel.: 943 33 18 96. euskaltegi@hernani.eus.