Atzo Playback lehiaketan, ahotsak berotu ondoren, Züttik Elektrotxarangak, gaua girotu zuen, 00:00ak aldera, egunari amaiera emateko asmotan.
Gaur ordea, goizetik hasiko da eguna, eta etxeko txikiak izango dira protagonistak. Goizeko 11:00etan, eltxetxo eta hirinaren jokoak antolatu dira, eta haurren toka, bote eta igel txapelketak ere jarraian egingo dira. Ondoren, tortila patata lehiaketa dago, eta antolatzaileek adierazi dute, 12:00ak arte jasoko direla tortilak, Auzo Elkarteko lokalean. Lehiaketak, egarria emango duenez, segidan, sagardo dastaketa egingo da, eztarriak busti eta festan jarraitzeko.
Bazkal ondoren, ura guda egingo da, eta amaitzean, ginkana bat egingo da auzoan zehar. Arratsaldeko 17:00etan, herri kirolak: harri- jasotzaileak eta aizkolariak izango dira bertan. Amaitu ostean, txarangak kaleak girotuko ditu, eta gaurkoa, Arraiketai txarangaren eskutik izango da, hain zuzen.
Gaualdera, danborrada hasiko da, afaldu aurretik, 20:00ak aldera, eta amaitu bezain laister, Zikuñagako jaien lehenengo mus txapelketa antolatu da, Txintxua hoteleko jatetxean lekua izango duena. 23:30etan, Zikuñaga Musik Factory eta ondoren, larunbat gaua ezin hobe amaitzeko, DJ Nemuxekin dantzaldia egongo da.
Bihar ere, festa
Bihar, goizeko 10:00etan Zikuñagako amaren omenezko meza egingo da, Ozenki Abesbatzak kantatuko du bertan. Jarraian, 11:00ak aldera, bakailu lehiaketa antolatu da. Haurrentzako ekintzak ere egingo dira bihar, 11:00etatik 13:00etara bitartean. Haien artean, marrazki lehiaketa, Jumping eta puzgarriak. Bi orduz, etxeko txikiek, energiak gastatzeko astia izango dute.
Bazkaltzeko, paellada herrikoia egingo da. Jan, edan, abestu eta ondo pasatzeko aukera ezin hobea dela adierazi dute antolatzaileeek. Bazkaria amaitzean, apar festa antolatu da, arratsaldeko 16:00etan, eta ondoren marrazki lehiaketako sariak banatuko dira. Jarraian, helduen toka, bote eta igel txapelketak hartuko du lekukoa, eta bertan izena emateko aukera dago, 16:00etatik 17:00etara bitartean. Arratsaldean, umeentzako tartea ere egongo da, Jumpin eta puzgarriak egongo baitira.
Meriendatzeko, txokolatada, arratsaldeko 18:30ak aldera. Jarraian, DJ Nemuxek hartuko du lekukoa eta musikaz girotuko du auzoa. 21:00ak aldera, zezen suzkoak suz beteko ditu kaleak eta traka ondoren, jaiei amaiera emango zaie.
Esker hitzak bertaratuei, auzotarrek
Zikuñagako Auzotik eskerrak eman nahi dituzte, «hau lortzeko lan egin duten pertsona guztiei» eta nabarmendu dute, ez dituztela ahaztuko aurtengo jaietan disfrutatu ezin dutenak, «beti izango zarete gurekin». Auzotarren partez beraz, «irribarre handiena galdu gabe, jai zoriontsuenak opa dizkizuegu».
EGITARAUA
GAUR, LARUNBATA 7
11:00, Eltxetxo eta hirinaren jokuak. Huarren toka, bote eta igel txapelketak
12:30, Tortila lehiaketa (tortilañ 12:00ak aldera jasoko dira Auzo Elkartea lokalean)
Jarraian, Sagardo dastaketa
15:30, Urarekin guda
16:30, Ginkana
17:00, Herri kirolak: harri- jasotzaileak eta aizkolariak
18:30, Arraiketa txaranga
20:00, Danborrada
21:00, Zikuñagako Jaietako 1. Mus Txapelketa ( Txintxua Hotelaren jatetxean)
23:30, Zikuñaga Music Factory
Ondoren, DJ Nemuxekin Dantzaldi
BIHAR, IGANDEA 8
10:00, Zikuñagako amaren omenezko meza, Ozenki abesbatzak kantatuko du
11:00, Bakailu lehiaketa
11:00-13:00, Umeentzako ekintzak: Marrazki lehiaketa/ Jumping eta Puzgarriak
14:30, Paellada herrikoia
16:00, Apar festa
Ondoren, Marrazki lehiaketaren sari banaketa
17:00, Helduen toka, igel eta bote txapelketa (izena emateko ordua (16:00-17:00)
17:00-19:00, Jumping eta Puzgarriak
18:30, Txokolatada
19:00, DJ Nemuxekin dantzanldia
21:00, Zezen Suzkoa, traka eta jaien amaiera.