2016az geroztik martxan dagoen Kutxa Kultur Eneak deialdia egin du Gipuzkoan garatzen ari diren kultura proiektu berriak ezagutu eta Tabakaleran horiek lantzen jarraitzeko. Beste behin ere, aukera eskaini du, «hauxe baita lurraldeko kultura-ekosistema garrantzitsuena».
Gune bat sortzea, helburu
Kutxa Kultur Enea programaren helburua da, hain zuzen, «kultura-coworking gune bat sortzea, gehienez 40 ekintzailek partekatua, komunitate sortzaile, dinamiko eta berritzailea garatzeko helburuaz, lekua izan dezaten bertan askotariko kultura-proiektuek: diseinu, marketin, musika, moda, argazkigintza, gastronomia, arte, dantza, ekitaldi eta ikuskizunen sustapen eta beste arlo batzuetakoek».
Eta hori garatzeko, beharrezko azpiegitura jartzen du Kutxa Kultur Eneak partehartzaileen esku, behar den guztiarekin:?inprimagailuak, eskanerra, laneko box-ak, bilera-gelak, banako armairuak, office eta interneterako konexioa.
Gainera, Enea komunitateko kideek aukera dute Kutxa Kulturek Tabakaleran duen gainerako azpiegitura erabiltzeko, eta horrela bere proiektuari ikusgarritasuna emateko.
Hilaren 30era arte egin ahal izango dira proposamenak ?kutxakultur.eus? webgunean.
Konpromisoak, ere bai
Hainbat konpromiso ere hartu beharko dituzte kideek. Adibidez, lekuraren mantentze-gastuei aurre egin beharko diete, negozio-eredu baten definizioa edota garapena, prestakuntza eta tutorizazioetara nahitaez joan beharra, eta dinamizazio-jardueretan parte-hartze aktiboa izatea.
Hilaren 30era arte, apuntatzeko
Proiektu berriak aurkezteko epea dagoeneko irekita dago, eta hilaren 30era arte egongo da zabalik. Proposamenak
kutxakultur.eus webgunean egin ahal izango dira, eta berrikuntza, enpresa eta kulturan adituak direnen batzorde batek aztertuko ditu. Informazio gehiago, bertan.