Urriaren 7an hasi eta 20ra bitarte izango da aurten Bakailao Astea, eta dagoeneko hasi dira prestaketa-lanekin. Taberna eta jatetxeei egin diete aurreneko gonbidapena, parte hartzeko.
Hilaren 11ra arte, pintxo lehiaketarako
Hain zuzen, aste berezi honen barruan, urtero egin ohi duten pintxo lehiaketan izena emateko aukera luzatu diete ostalariei. Tabernen kasuan, pintxo bat egin beharko dute, eta jatetxeek, aldiz, bakailoa menuan edo kartan txertatu.
Izena eman nahi duenak, irailaren 11ra arte izango du aukera. Horretarako, Biteriko turismoko informazio puntura (943 33 70 28 edo turismoa@hernani.eus) edo Berriak elkartera (943 33 30 49) jo beharko da.
Bertan argitu ahal izango dira zalantzak, baita ere.