Udarako oporren ondoren, ikasturtearen hasierarekin batera Plax! sexu eta bikote aholkularitza-zerbitzua martxan jarri du Udalak, berriro ere.
Aholkularitza-gune profesionala, konfidentziala eta doakoa da.
Zerbitzu hau, hain zuzen, Hernaniko Udalak eskaintzen duen aholkularitza-gune profesionala, konfidentziala eta doakoa da. Helburua da «gizon eta emakumeei aholkularitza ematea, bakarka edo konpainian izan ditzaketen sexu eta bikote zailtasunei irtenbidea emateko, jakin-minari erantzuteko eta genero estereotipoetan oinarritutako sexu harremanak gainditzeko», azaldu dute ohar baten bidez.
Hitzordua eskatzea, beharrezkoa
Esan bezala, zerbitzua doakoa da, baina jasotzeko, beharrezkoa da hitzordua aurretik eskatzea: 656 54 46 06.