Beste hainbatetan egin duen bezala, Stock Azoka antolatu du Berriak merkatari eta ostalarien elkarteak, egun hauetarako. Gaur eta bihar izango da, Plaza Berrin; eta bertan, «aukera paregabeak» izango dira, herriko denden postuetan.
Gaurkoan, postuak zabalik egongo dira goizeko 10:00etatik 14:00etara, eta arratsaldeko 16:00etatik 20:00etara. Bihar, berriz, goizez bakarrik egongo dira. «Buelta bat eman eta aukerak aprobetxatzera» gonbidatu dituzte herritarrak.