Antzerki saioa antolatu dute datorren astean, Ereñotzuko frontoian: Erlauntza antzezlana eskainiko du Vaiven Producciones antzerki konpainiak. Ostiralean izango da, irailaren 13an, gaueko 22:00etan hasita.
Eta emanaldia ikusteko sarrerak, gaur bertan jarriko dituzte salgai: Ereñotzuko Auzo Udalean, Irrintzi tabernan, eta Hernaniko Biteri kultur etxean. 10 euro dira.
«Komedia mikatza» da 'Erlauntza', txikitako lagun koadrila bat landetxean elkartuko duena, haietako baten despedida ospatzeko.
Ordubete pasatxoko iraupena dauka antzezlanak, eta Mireia Gabilondok zuzenduta, sei emakume dira protagonista: Vito Rogado, Getari Etxegarai, Aitziber Garmendia, Leire Ruiz, Naiara Arnedo eta Sara Cozar. Kepa Errasti da testuaren egilea.
«Komedia mikatza» da Erlauntza. Txikitako lagun koadrila bat osatzen dute sei emakumeek, eta haietako baten ezkon aurreko despedida ospatzeko, asteburupasa joango dira landetxe batera. Baina urteen eraginez, elkarren arteko lotura estua sentitu arren, ezer ez da garai batean bezala. Horregatik, asteburu eroa behar zuena, are gehiago erotuko da: trapu zaharrak, esan gabeko gauzak, esandakoak, alkohola, droga eta erlauntz bat. «Esan ohi da erleak direla animalien erreinuan ondoen komunikatzen diren izakiak, eta dantzan komunikatzen omen dira...», aurreratu dute.