Ikasturte berri honetarako ere antolatu ditu Jabetze Eskolak, Udaleko Berdintasun Sailak. Guztira, zazpi ikastaro izango dira, eta izena emateko epea gaur irekiko da.
Jabetze Eskoletako helburua izaten da hausnarketarako eta formaziorako topagunea sortzea, emakumeei begira, beren eskubideen jabe egin, eta bizitzetan autonomia eta konfiantza izan dezaten. Era berean, emakumeen arteko sareak sortzea ahalbidetu nahi da. Hori lortzeko, eskolen bidez emakumeek jabetze edo ahalduntze prozesua egitea da asmoa, ikuspegi feministatik errealitatea aztertuta eta hau aldatzeko tresnak eskura jarrita.
Izen-ematea, irekita
Denera, zazpi ikastaro jarri dira aukeran, eta izena emateko epea, guztietarako, gaur irekiko da. Hiru bide erabili daitezke horretarako: Plaza Feministara bertara joatea (Aristizabal kalea 7, behea), 943 33 70 17 telefonora deitzea, edo idaztea berdintasuna@hernani.eus helbide elektronikora.
Ikastaroren bat doan izango da, eta gainontzekoetan, klase orduko euro bat ordainduko da. Guztietan haurtzaindegi zerbitzua eskainiko da.
Ikastaroak, hiru multzotan
Aukeran jarri diren ikastaroak hiru multzotan banatu dira: emakumeen nortasuna eta subjektibitatea aztertzea helburu dutenak; kultura birdefinitzeari begira antolatutakoak; eta autonomia suspertzen lagundu nahi dutenak.
Aurrenekooaren barruan, batetik, Mindfulness ikastaroa emango da; meditatzeko praktika bat da, eta gorputza eta emozioak landuko dira. Bestetik, hilerokoaren inguruko tailerra izango da, ziklo osoa eta haren faseak ezagutzeko, eta tabu eta lotsei aurre egiteko. Azkenik, argazkilaritza ikastaro berezia emango da, norbera nor den eta nola dagoen argazkien bidez jasotzeko, norberaren ?ni?a osatu arte.
Bigarren multzoaren barruan, batukada feminista, edota munduko emakumeen literatura aztertzen dituen tailerra antolatu dira aurten ere, eta era berean, gorputzen mugimendu askea landuko duena.
Azkeneko multzoan, berriz, hastapeneko eskalada tailerra egiteko aukera izango da, berriro ere.
Ikasturte hasiera Leokan, Bihotx musika taldearekin
Urtero bezala, ikasturteari hasiera emateko kontzertu berezi bat ere antolatu dute, Leokako labaderoan.
Eguraldiak trabarik egiten ez badu, irailaren 13an izango da, 22:00etan hasita. Gema Inés, Ixiar Jauregi eta Lara Mitxelena hernaniarrek osatzen duten Bihotx txalaparta taldeak, Norabide guztiak emanaldia eskainiko du.
EMAKUMEEN NORTASUNA ETA SUBJEKTIBITATEA
Mindfulness nirekin eta besteekin bertopatzen. Urriaren 3tik abenduaren 12ra, ostegunetan, 09:30-11:00; gaztelaniaz, Biterin. Irakaslea: Clara Wolfram Perez. Matrikula: 16,5 euro.
Ziklikoki bizitzen: hilekoaren inguruko tailerra. Azaroaren 8an, 17:30-19:30; euskeraz, doan, Plaza Feministan. Irakaslea: Enara Iruretagoiena Domínguez.
Barrutik kanpora argazkitzen. Urriaren 2tik abenduaren 18ra, asteazkenetan, 17:30-19:30;?euskeraz, Iturolan. Irakasleak: Idoia Telleria Maritxalar eta Arantxa Erasun Urtzelaieta. Matrikula: 24 euro.
KULTURA BIRDEFINITZEN
Batukada feminista. Urriaren 11 eta 25, azaroaren 15 eta 29, abenduaren 20, urtarrilaren 17 eta 31, otsailaren 14 eta 28, martxoaren 13, apirilaren 3, maiatzaren 8 eta 22, ekainaren 5 eta 19, eta festetako irteera; 17:30-19:30, euskeraz, Langilen. Irakasleak:?Arantxa Vicedo Rubio eta Ainara Sarasketa Alberdi. Matrikula: 32 euro.
Munduko emakumeen literatura. Urriaren 3 eta 31, abenduaren 5, urtarrilaren 16, otsailaren 6, martxoaren 5, apirilaren 2, maiatzaren 7 eta ekainaren 11n, 18:30-20:30; gaztelaniaz, Plaza Feministan. Irakaslea: Mertxe Tranche Iparragirre. Matrikula: 18 euro.
Gorputz kontzientziatik mugimendu askera. Urriaren 1etik abenduaren 17ra, asteartetan, 18:00-20:00; euskeraz, Iturolan. Irakaslea: Maider Oiartzabal Ziganda. Matrikula: 22 euro.
AUTONOMIA SUSPERTZEN
Eskalada tailerra: hastapena. Irailaren 11, 13, 16, 20, 23 eta 27an, 17:00-20:00; euskeraz. Irakasleak: Patri Espinar Labian eta Arantxa Arrieta Garcés. Matrikula: 30 euro.
DENETAN IZEN-EMATEA: Plaza Feministan (Aristizabal kalea 7), 943 33 70 17 edo berdintasuna@hernani.eus.