Erremonteko Buruz Buruko Kutxabank Txapelketa pixkanaka bukaerara iristen ari da. Herenegun jokatu zuten finalerdietako ligaxkako azkenaurreko partidua Urriza eta Barrenetxea IVak eta dagoeneko badakigu Urriza finalean egongo dela.
Ezustean harrapatu eta irabazteko gogoz joan zen Endika Barrenetxea hernaniarra partidura, baina ez zuen irabazterik lortu. 30-20 galdu zuen Urriza faboritoaren kontra.
Jokoaren aldaketa
Aurretik adierazi zuen moduan, jokoan aldaketa egin zuen Barrenetxea IVak, baina horrek ez zuen markagailua aldarazi. Urrizak partidu ederra egin zuen, eta hernaniarraren gainetik jarri zen. Pelotakadetan ez zuen hutsik ere egin, eta izan zituen akats bakarrak sakeetan izan zituen.
Barrenetxea, aldiz, saiatu zen, eta bereziki aldaketa egin zuen sakeetan, eta horri esker, lau tanto lortu zituen hernaniarrak.
Larunbateko finalerditik aterako da bigarren finalista, Urrizaren kontra finala jokatuko duena.
Larunbateko finalerdian, Barrenetxea IV
Dena den, Barrenetxea IV hernaniarra ez dago finaletik kanpo, oraindik. Izan ere, ziurtatuta dauka larunbateko finalerdietan izango dela. Oraindik, ordea, ez daki nor izango duen aurkari, Endika ala Ansa II. Orduan lehiatuko dute finalerako bigarren txartela lortzeko.
Final haundia, irailaren 14an
Larunbateko finalerditik aterako da bigarren finalista, Urrizaren kontra irailaren 14an finala jokatuko duena, hain zuzen.