Asteartean Urrizak, 8 puntu lortu zituen Endikaren aurka irabazitako buruz burukoan, eta lehenengo postuan doa Kutxabank Txapelketan. Urrizaren atzetik, Barrenetxea IV doa bigarren postuari eutsiz, 6 punturekin.
Gaurkoan, elkar lehiatuko dute, buruz buruko Kutxabank Txapelketako finalerako txartel zuzena lortzeko asmoarekin. Barrenetxeak dio, Urrizarekin jokatzeko modua aldatuko duela, «bestela porrota, seguru». Erremonteko pelotari guztiak, beldurtuta daudela adierazi du, «frontoieko paretaren erdian, horma erraldoi batekin topo egingo dugulakoan gaude».
Gaur, galtzaile ateratzen denak, semifinala jokatu beharko du Endikaren aurka. Barrenetxeak dio, Endikak ez duela partidu errazik jarriko. Ohi bezala, arratsaldeko 16:00etan hasita izango da, Galarretan.