Aldarrikapenak herriko kaleetara aterako dituzte, beste behin, Hernaniko jubilatu eta pentsionistek. Eguerdiko 12:00etan jarri dute zita astelehenean, Plazan.
Ordutik aurrera, astelehenero egiteko asmoa azaldu dute, udara hasi aurretik egiten zuten moduan.
2018 urtetik aurrera, zitari eusten
Estatu osoko deialdiei jarraituz, 2018an hasi ziren Hernaniko jubilatu eta pentsionistak asteleheneroko hitzorduekin. Eta ordutik, astero eutsi diete, kontzentrazioei.
Taldearen aldarrikapenak lau haizetara zabaltzea izan dute helburu. Hain zuzen, pentsio duinen alde egitea eta kolektiboaren gainontzeko aldarrikapenen alde egitea.