Udalak nerabeentzako kirol eta kultur eskaintzak antolatu ditu, hala nola, piraguismoa, eskalada eta sormen tailerra. Eskaladan eta sormen tailerrean oraindik izena emateko aukera dago.
Kirol saioak
Piraguismo eta eskaladarako ikastaroak nerabeentzako udazkeneko jarduera fisiko eta kirol eskaintzaren barruan daude, eta biak Kaxkardi Kirol Elkarteak bideratuko ditu.
Piragua ikastaroa datorren astelehenean hasiko da eta ostiral arte iraungo du; bi orduko saioak izango dira, Fagollagatik hasita.
Eskalada aldiz, irailaren 9an hasiko da, eta ondorengo egunetan ere eskalatzeko aukera egongo da; 11, 13, 16 eta 18an. Entrenamenduak 16:30etatik 18:30etara izango dira, Santa Barbaran.
Antolatzaileek adierazi dute, ikastaro bakoitzak 10 euroko fidantza izango duela, eta nerabeak saio guztietara agertzen badira, fidantza hau bueltatu egingo dela.
Sormen saioa
Sormen saioak bost eguneko iraupena izango du, irailaren 10, 12, 17, 19 eta 24an izango dira tailerrak. Arramazka artista arituko da gazteen sormena pizten. Sormen tailerrean apuntatzeko azken eguna datorren ostirala izango da, irailaren 6a, hain zuzen. Antolatzaileek argi utzi nahi izan dute, ikastaro hau doakoa dela.
Dagoeneko martxan dauden hiru ikastaro hauek, Hernani Erabaki parte hartze prozesuan, nerabeentzako kirol eta kultura eskaintza areagotzeko proposamenaren baitan kokatuta dauela nabarmendu du Udalak.