Udako festen azken traka, Benitoren erritmoraudarari agur esateko garaia iritsi zaio askori, eta egunerokotasunera buelta leunagoa izateko moduko agenda prestatu dute. Latsunbeberri-Marieluts auzoetako festekin hasiko da giroa gaurtik, eta Lizeagako auzoko jaiek emango diote bukaera, azkeneko asteburuan.
Festa bana, astebururo
Asteburu honetan hasita, beraz, astebururo izango da festa, herrian. Zikuñagakoak izango dira hurrengo asteburuan; Euskal Jaiak tartekoan; eta Karabelgoek eta Lizeagakoek jarriko diote ginda irailari, azkeneko bi asteburuetan, hurrenez hurren.
Benito Lertxundirekin, hilaren hasiera
Beste ekintzarik ere izango da, tartean. Horietako bat izango da Benito Lertxundiren kontzertua; hurrengo ostiralean, gaur zortzi, eskainiko du oriotarrak kiroldegian, gaueko 22:00etan hasita.
Sarrera gutxi batzuk geratzen dira oraindik; interneten dagoeneko bukatu dira, baina azkenekoak Biterin eskuratu daitezke, 15 euroan.
Ikasturte hasiera, ere bai
Horrez gain, ikasturte hasierarekin lotura duten hainbat zita ere izango dira, irailean: Biteriko ikastaroetan eta auzoetako tailerretan izenematea, Jabetze Eskolen hasierako emanaldia...
IRAILEKO AGENDA
Ab. 30-Ira. 1, Latsunbeberrin eta Marielutsen Auzo Eguna.
2-6, Biteri Kultur Etxeko ikastaroetan aldez aurreko izena emateko epearen hasiera. Biteri kultur etxea. Ordutegia: 09:00-13:00/16:00-20:00.
2-13, Azuoetan antolatzen diren haurrentzako tailerretan izen emateko epea. Izena auzo elkarteetan eman behar da.
5-8, Zikuñaga Auzoko Jaiak.
7, Hitzaldia: Bizi Baratzea. Antolatzailea: Argia. Lekua: Orona Ideo eraikina.
11, Hernani 2018/2019 urtekariaren aurkezpena. Lekua: Biteri Kultur Etxean. Ordua: 19:30.
13, Leokako emanaldia: elkartu, gozatu, jabetu; Jabetze Eskola abian. Kantariak: Bihotx Norabide guztiak. Antolatzailea: Berdintasun Kontseilua. Euria eginez gero, hurrengo ostiralera atzeratuko da (irailak 20). Lekua: Leokako Labaderoa. Ordua: 22:00.
14, Bigarren eskuko azoka.
14, Hernaniko Musika Banda. Lekua: Udaletxeko arkupeetan. Ordua: 19:45.
14-15, Euskal Jaiak. Abeltzaintza azoka, Sagarra eta sagardoaren eguna, Gazteen trikitixa txapelketa, dantzaldia...
14, Hernaniko Musika Banda. Lekua: Udaletxeko arkupeetan. Ordua: 19:45.
17, Ipuin kontaketa. Kontalaria: Apaxi. Edukiera mugatua, gonbidapenak Liburutegian. Lekua: Biteri kultur etxea. Bi saio: 17:30etan (3-4 urte); eta 18:00etan (5-7 urte).
17, Mintegia: Emakumeen Euskal Literatura Ikuspegi Feministatik. Gidaria: Kattalin Miner. Izen-ematea Udal Liburutegian. Ordua: 19:00etan. 16 urtetik gorakoentzat.
20, Hernaniko Merkataritzaren Festa. Antolatzailea: Berriak Elkartea.
20-21, Karabel auzoko jaiak.
20-22, Mugikortasun Astea.
28, Pirritx, Porrotx eta Marimototsen emanaldia. Antolatzailea: ?Hernani? Musika Eskola Publikoa. Lekua: Atsegindegi plaza. Ordua: 18:00.
29, Argazki rally digitala. Lekua: Gudarien plazan. Ordua: 12:00etan.
29, Kultura anitzeko dastatze gastronomikoa. Antolatzailea: Amher elkartea. Lekua: Plaza Berri. Ordua: 12:00.
30, Ipuin kontaketa. Kontalaria: Ixabel Agirresarobe. Lekua: Biteri Kultur Etxea. Bi saio: 17:30etan (3-4 urte); eta 18:00etan (5-7 urte).
27-29, Lizeaga Auzoko Jaiak.
KONTZERTUA
6, Benito Lertxundi. Lekua: Kiroldegia. Ordua: 22:00.
ERAKUSKETAK
11-bukaera, Hernanin ikusiyak. Lekua: Biteri kultur etxea. Ordutegia: 18:00-20:00.
18-28, Filatelia erakusketa. José Olaizola Gabaraini omenaldia. Ordutegia: 10:00-13:00 / 16:00-20:00.
20, Zigilu-marka. Lekua: Biteri kultur etxea.
21, Omenaldia Jose Olaizolari. Lekua: Biteri kultur etxea. Antolatzailea: Asociación Filatélica y Numismática Guipuzcoana. Lekua: Biteri Kultur Etxea. Ordua: 14:00.