Igandean bukatu zuen ETE liga Hernaniko Arraun Elkartearen Maialen traineruak, eta Donostiako itsasoan murgilduko da gaurkoan.
Hain zuzen, datozen bi igandetan Kontxako Ikurriñaren bila ateratzeko sailkatze-estropada jokatuko dute gaur, Kontxako badian zehar.
Horretarako, 1,5 miliako distantzian egin beharko dute arraun, eta ziaboga bakarra egongo da.
Arratsaldeko 17.30etan daukate hitzordua, Donostian.
1,5 miliako distantzian egin beharko dute arraun, ziaboga bakarrarekin.
20 talde, gaurko estropadan
Denera, 20 talde lehiatuko dira datozen igandetan Kontxan egoteko; horietatik zazpik lortuko dute txartela.
Bi taldetan aterako dira. A taldean: Deustu, Gu Arraun, Hibaika, Hondarribia, Isuntza, Kaiku, Orio, San Juan, Tolosaldea eta Zumaia. Eta B taldean, Cabo, Salgado Perillo, Club Do Mar de Burgos, Mecos, Colindros, Hernani, Lapurdi, Nautico de Riveira, Ondarroa, eta Tiran.