Inguruko sagardorik onena hautatzeko urteroko zitari emango dio hasiera gaur Astigarragako Kizkia Taldeak. Hogeigarren urtez egingo dute sagardo txapelketa, ohi bezala, Gure Izarra elkartean.
Sailkapenerako hiru saio
Sailkapen-egunei emango diete hasiera gaurko saioarekin, baina beste bi ere izango dituzte: irailaren 4an, gaur zortzi, bata, eta irailaren 11n, bestea. Irailaren 18an izango da final haundia, aurreneko sei sailkatuen artean.
20 sagardoen artean, onena
Aurten hogei sagardok hartuko dute parte: Akarregi eta Itxas-buru, Hernanitik; Izeta, Aiatik; Sarasola, Asteasutik; Oiharte, Zeraindik; Zabala eta Aburuza, Adunatik; Astiazaran eta Kalonge, Donostiatik; Urdaira, Aginagatik; Rezola, Petritegi, Larrarte, Alorrenea eta Lizeaga, Astigarragatik; Ordozelai, Oiartzundik; Eguzkitza, Tolosatik; Urruzola eta Eula, Urnietatik; eta Goikoetxea, Lizartzatik.
Horiek guztiak kopan dastatuko dituzte epaimahaikideek.