Bigarren eskuko material nahikoa jaso du azkenaldian Hernaniko Amher-SOS Arrazakeria elkarteak, eta horiei irtenbidea eman nahi diote.
Horretarako, azoka antolatu dute; ostiralean izango da, goizeko 10:00etatik eguerdiko 12:00etara bitarte. Haien lokalean egingo dute, Transpakarren.
Azoka antolatzen lagundu nahi duenak, Whatsapp bat bidali besterik ez du.
Behar duzuna hartzeko, aukera
Arropa, liburuak eta jolasak aipatu dituzte jaso dituzten materialen artean. «Behar duzuna hartu» leloarekin egin nahi diete deia herritarrei, bertaratzeko. Azaldu dutenez, «urte osoan zehar eskaintzen ditugu material horiek guztiak», baina oraingo honetan modu berezian egin nahi izan dute, «elkar ezagutzeko aukera baliatzeko».
Hortaz, «zer edo zer behar edo ekarri nahi baduzu, edota jendea ezagutu eta gurekin momentu ludikoa partekatu nahi baduzu, ongietorria zara!», animatu dute.
Antolatzen lagundu nahi?
Antolatzen laguntzeko ere jende bila dabiltza. Nahi duenak 667 71 09 28 zenbakira Whatsapp bat bidali besterik ez du. yy