Orion dago egun hauetan, Gure Zirkua. Bertako pailazo, akrobata, mago, musikari eta parte-hartzaile guztiek atsedenerako tarte bat hartu dute, eta hori horrela, hernaniarrak izango dira gaur bertan, emanaldi berezi bat emateko.
Arratsaldeko 19:30etan hasita, hiru zatiko emanaldia izango da, hain zuzen. Aurrena, Joana Ortega eta Sebi Ustarrozek osatutako Hego Haizea bikoteak, Ainara Ortega abeslariarekin batera, kontzertua emango du. Segidan, Andoni Martinez de Ustaran mago argentinarraren ikuskizuna izango da. Eta bukatzeko, Sebi Ustarrozek berak, Haritz Ezeiza, Garazi Navas eta Ixiar Jauregirekin osatutako Bitartean folk musika taldeak emango du kontzertua.
Sarrerak bertan salduko dira, 10 euroan helduentzat, eta 5 euroan, umeentzat. Diskoak ere salduko dituzte, baina honen dirua, Open Arms laguntzeko izango da.