Badator, Kizkiako sagardo txapelketa

Gure Izarra elkartea prest da­go Kizkia taldeak urtero an­to­latzen duen sagardo lehiake­ta­rako. Aurtengoa, hogeiga­rrena izango da, eta berriro ere, 20 sagardoren artean onena zein den aukeratuko dute, lau otordutan.

Hasiera, asteazkenean

Txapelketa, asteazkenean, abuz­tuaren 28an hasiko da. Aur­re­ne­ko otordu horretan, 10 sa­gar­dotegitako zukuak das­ta­tu­ko dituzte, arrautz-irinetan frijitutako legatzak lagunduta, eta beste 10 sagardo, frijitu­ta­ko oilasko hegalek lagunduta. 

Bigarren hitzordua iraila­ren 4koa izango dute. Orduko horretan, berriro ere 20 sa­gar­do­ak dastatuko dituzte, baina jakiak trukatuta; oilaskoarekin edandako sagardoak legatza­re­kin, eta alderantziz.

Bi saio horietatik puntu­a­zio onena lortu duten 10 sa­gar­dok egingo dute aurrera, hi­ru­ga­rren astera. Irailaren 11n pro­ba­tuko dituzte 10 ho­ri­ek be­rriro, jaki berdinekin. Hor­tik, 6 onenak pasako dira irailaren 18an jokatuko den finalera.

Sagardoa, kopan

Lehian ariko diren sagardoak, 20 izango dira: Astigarragako Rezola, Petritegi, Larrarte, Alo­rrenea eta Lizeaga; Hernaniko Akarregi eta Itxasburu; Aiako Izeta; Asteasuko Sarasola; Ze­rain­go Oiharte; Adunako Za­ba­la eta Aburuza; Donostiako As­tiazaran eta Kalonge; Agi­na­gako Urdaira; Oiartzungo Ordozelai; Tolosako Eguzkitza; Urnietako Urruzola eta Eula; eta Lizarzako Goikoetxea.

Azken urteetan bezala, sa­gar­do guztiak kopan das­ta­tuko dituztela azpimarratu dute; 3 puntu emango dizkiote edalontzian duen itxurari; 2, usainari; eta 5, ahoari.