Hernanik Sevillan hasiko du Liga

Publiko egin da Ohorezko Errug­bi Mai­­lakoen egutegia, eta Her­na­nik denboraldia bi­daia luzee­narekin hasiko du, irailaren 15ean Sevillan joka­tuko baitu aurtengo Heineken Ligara be­rriz itzuli den Cien­ciasen aur­ka. Liga hasteko ez da partidu txa­rra, irabazteko aukerak egon­go baitira; hori bai, irai­lean Andaluzian orain­dik ere be­­roa egiten du eta horrek nor­­gehiagoka bal­din­tzatu de­zake. 

Landaren lehenengo parti­dua irailaren 22an izango da eta bisitaria, pasa den den­bo­ral­diko biga­rren jardu­nal­dian izandako aurkari bera izango da, Complu­ten­­se Cisneros ma­dril­darra, hain zuzen. Beheko postuetan ibili zen tal­de unibersitarioa aurreko ur­te­an, baina Hernanin irabazi egin zuen, eta berriz berdina errepikatu ez dadin, dena ema­n­go dute Polidorik zuzen­dutako jokalariek.

Derbi gipuzkoarra, hirugarren jardunaldian

Atsedenaldirako denborarik gabe, aurten goiz dator lehe­nengo gipuzkoar derbia. Ordi­zian jokatuko da irailaren 29an, eta bueltakoa, berriz, urtarrilaren 26an egokitu da. Beraz, datorren denboraldian ez da, aurreko urteetan bezala, hain erabakiorra izango azken sailkapenean. Puntuak beti garrantzitsuak dira, baina ez da hil ala bizikoa izango , pasa den urtean gertatu bezala. 

Bost partiduetatik lau Landaren, urtea amaitu eta hasteko

Hala ere, denboraldiko unerik garran­tzitsuenetakoa, lehe­n­en­­­go itzuliko azken lau par­ti­du­etan, eta bigarren itzu­liko lehe­nengo partiduan, bizi­ko di­ra. Azaroaren 10tik urta­rri­laren 12ra arte, bost partidu dau­de ira­garrita egutegian, Gabo­ne­tako atsedenaldia tar­teko, aben­­­duaren 15etik urta­rrila­ren 12ra. Tarte horretan, bostetik lau partidu, Landaren jokatuko dira. Intentsitate haun­diko garaia izango da, Her­naniko errugbiarentzat.

Gainera, aurkariak hasteko oso gogorrak dira. Zortzi­ga­rren eta bedera­tzigarren jar­du­­naldietan,bi talderik indar­tsuenak datoz Landarera. Aza­roaren 10ean VRAC Quesos txa­peldunak egingo du bisita eta hortik 21 egune­ta­ra, tartean bi asteko atsede­nal­diarekin, El Salvadorren bisita jasoko dute triko­lo­reek. 

Kopan VRAC eta Santander, talde berean

VRACen aurkako partidua Erre­­ge Koparako baliagarria da, eta talde berean dago San­tander igo berria. Hauen kon­tra jokatuko dute bost partidu horietan kanpoan izango den ba­karra. Hori, abenduaren 8an izango da. 

Urtea, eta lehenengo itzulia amaitzeko, abenduaren 15ean, Barce­lonaren aurkako nor­gehiagoka jokatuko dute her­naniarrek Landaren. Kopara­ko finalerdietara sailkatzen ba­dira abenduaren 22an izan­go litzateke finalerdia, baina pasa den urteko balentria erre­pikatzen ez bada, urtarri­la­ren 12ra arte ez da izango Ligako par­tidurik. Bigarren itzulia or­duan hasiko da, eta Lan­da­ren Cienciasen bisita ja­soko du­te. Azken partidu hau da paper gainean lauetatik erra­zena, eta beste hiruak oso zailak dira. 

Hala ere, hor puntuak lor­tzen badira, denboraldiko bi­ga­­rren zatia baikortasunez iku­­si­ko da. Oso garrantzitsua izan­go da ondo hastea denbo­raldia; lehendabiziko bost par­ti­duetan bi-hiru garaipen lor­tzen ba­dira, aurrera begira bul­­tzada nabarmena izango da. 

Kontuan hartu behar da tal­deak gero eta gehiago in­dar­tzen direla, eta herna­nia­rrek, alde horretatik, ez dute bes­teen gaitasunik lehenengo taldea sendotzeko garaian. Gero eta zailagoa da man­tentzea, baina Hernanik bada­ramazki zazpi urte jarraian Ohorezko Mailan eta zortzi­garrena nahi dute lortu.

OHOREZKO MAILA 
EGUTEGIA 2019-2020

LEHENENGO ITZULIA

1. jardunaldia, irailak 15

Ciencias-Hernani

2. jardunaldia, irailak 22

Hernani-Cisneros

3. jardunaldia, irailak 29

Ordizia-Hernani.

4. jardunaldia, urriak 6

Hernani-Independiente

5. jardunaldia, urriak 20

Santboiana-Hernani.

6. jardunaldia, urriak 27

Hernani-Burgos

7. jardunaldia, azaroak 3

Alcobendas-Hernani

8. jardunaldia, azaroak 10

Hernani-VRAC

9. jardunaldia, abenduak 1

Hernani-El Salvador

10. jardunaldia, abenduak 8

Santander-Hernani

11. jardunaldia, abenduak 15

Hernani-Barça

BIGARREN ITZULIA

12. jardunaldia, urtarrilak 12

Hernani-Ciencias

13. jardunaldia, urtarrilak 19

Cisneros-Hernani

14. jardunaldia, urtarrilak 26

Hernani-Ordizia

15. jardunaldia, otsailak 16

Independiente-Hernani

16. jardunaldia, otsailak 23

Hernani-Santboiana

17. jardunaldia, martxoak 1

Burgos-Hernani

18. jardunaldia, martxoak 22

Hernani-Alcobendas

19. jardunaldia, martxoak 29

VRAC-Hernani

20.jardunaldia, apirilak 5

El Salvador-Hernani

21. jardunaldia, apirilak 19

Hernani-Santander

22 jardunaldia, maiatzak 10

Barça-Hernani

Liga berria hastear eta hapidetza kanpainamartxan

Aurreko asteburuan, Hernanik 19 eta 33 galdu zuen Aviron taldearen aurka. Datorren jardunaldia indartsu hasteko, lehen taldeko jolakalariak Lizarran bildu dira, baldintza onenetan itzultzeko asmoraekin.